ನವದೆಹಲಿ (ದಿ ಹಿಂದುಸ್ತಾನ್ ಗಝೆಟ್) : ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಮಂಗಳವಾರ ಟ್ವೀಟ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರನ್ನು ಉಲ್ಲೇಖಿಸಿ,ನಿಮ್ಮ ಪಕ್ಷದ ಶಾಸಕರಿಂದ ಭಾರೀ ಪ್ರಮಾಣದ ಹಣವನ್ನು ವಶಪಡಿಸಿಕೊಂಡಿದ್ದಾರೆ. ಆದರೆ ಅವರನ್ನು ಏಕೆ ಬಂಧಿಸಲಿಲ್ಲ? ಎಂದು ಪ್ರಶ್ನಿಸಿದ್ದಾರೆ.
ಕರ್ನಾಟಕ ಬಿಜೆಪಿ ಶಾಸಕನಿಗೆ ಹೈಕೋರ್ಟ್ ಮಧ್ಯಂತರ ಜಾಮೀನು ನೀಡಿರುವ ಕುರಿತು ಟ್ವೀಟ್ ಮಾಡಿರುವ ಕೇಜ್ರಿವಾಲ್, “ಪ್ರಧಾನಿ ಜೀ, ಮನೀಶ್ ಸಿಸೋಡಿಯಾ ಅವರ ಮನೆಯಲ್ಲಿ ನಡೆದ ದಾಳಿಯಲ್ಲಿ ಏನೂ ಪತ್ತೆಯಾಗಿಲ್ಲ. ಎಲ್ಲಾ ಸೆಕ್ಷನ್ಗಳನ್ನು ವಿಧಿಸಿ ಅವರನ್ನು ಬಂಧಿಸಿದೆ. ನಿಮ್ಮ ಪಕ್ಷದ ಎಂಎಲ್ಎಯಿಂದ ಅಷ್ಟೊಂದು ನಗದು ಸಿಕ್ಕಿದೆ, ಅವರನ್ನು ಏಕೆ ಸಿಬಿಐ, ಇಡಿ ಬಂಧಿಸಲಿಲ್ಲ?”
ಅದೇ ಟ್ವೀಟ್ನಲ್ಲಿ, “ಈಗ ನೀವು ಭ್ರಷ್ಟಾಚಾರದ ವಿರುದ್ಧ ಹೋರಾಡುವ ಬಗ್ಗೆ ಎಂದಿಗೂ ಮಾತನಾಡುವುದಿಲ್ಲ, ಅದು ನಿಮಗೆ ಸರಿಹೊಂದುವುದಿಲ್ಲ” ಎಂದು ಅವರು ಹಿಂದಿಯಲ್ಲಿ ಹೇಳಿದ್ದಾರೆ.
ಹಿಂದಿನ ದಿನ, ಇಬ್ಬರು ಮಾಜಿ ಸಚಿವರಾದ ಮನೀಶ್ ಸಿಸೋಡಿಯಾ ಮತ್ತು ಸತ್ಯೇಂದ್ರ ಜೈನ್ ಅವರ ಬಂಧನದ ಬಗ್ಗೆ ಪ್ರಧಾನಿಯನ್ನು ತರಾಟೆಗೆ ತೆಗೆದುಕೊಂಡ ಕೇಜ್ರಿವಾಲ್, “ಜನರಿಗೆ ಉತ್ತಮ ಶಿಕ್ಷಣ ಮತ್ತು ಉತ್ತಮ ಆರೋಗ್ಯ ಮತ್ತು ಸೌಲಭ್ಯಗಳನ್ನು ಒದಗಿಸುವ ಮತ್ತು ಬೆಂಬಲಿಸುವ ಜನರನ್ನು ಪ್ರಧಾನಿ ಜೈಲಿನಲ್ಲಿಡುವ ಇವರು ದೇಶವನ್ನು ದರೋಡೆ ಮಾಡುವವರು ಬಿಟ್ಟಿದ್ದಾರೆ ಎಂದಿದ್ದಾರೆ.
ಮಂಗಳವಾರ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಕೇಜ್ರಿವಾಲ್, ‘ದೇಶದ ಚಿಂತಾಜನಕ ಪರಿಸ್ಥಿತಿಗಳಿಗಾಗಿ’ ಹೋಳಿ ಆಚರಣೆಯ ನಂತರ ಪೂಜೆ ಮಾಡುವಂತೆ ಜನರನ್ನು ಒತ್ತಾಯಿಸಿದರು. “ನಾಳೆ ದೇಶಕ್ಕಾಗಿ ಧ್ಯಾನ ಮಾಡುತ್ತೇನೆ ಮತ್ತು ಪ್ರಾರ್ಥಿಸುತ್ತೇನೆ, ಪ್ರಧಾನಿ ನರೇಂದ್ರ ಮೋದಿ ಅವರು ಮಾಡುತ್ತಿರುವುದು ತಪ್ಪು ಎಂದು ನೀವು ಭಾವಿಸಿದರೆ ಮತ್ತು ನಿಮಗೂ ದೇಶದ ಬಗ್ಗೆ ಚಿಂತೆ ಇದ್ದರೆ, ಹೋಳಿ ಆಚರಿಸಿದ ನಂತರ ದಯವಿಟ್ಟು ಪ್ರಾರ್ಥನೆ ಮಾಡಲು ಸಮಯ ಮೀಸಲಿಡಿ ಎಂದು ನಾನು ನಿಮ್ಮನ್ನು ಒತ್ತಾಯಿಸುತ್ತೇನೆ. ಇದು ದೇಶಕ್ಕಾಗಿ” ಎಂದು ಕೇಜ್ರಿವಾಲ್ ಹೇಳಿದ್ದಾರೆ.
ಮನೀಶ್ ಸಿಸೋಡಿಯಾ ಅಥವಾ ಸತ್ಯೇಂದ್ರ ಜೈನ್ ಬಗ್ಗೆ ಚಿಂತಿಸುವುದಿಲ್ಲ ಎಂದು ಒತ್ತಿ ಹೇಳಿದ ಕೇಜ್ರಿವಾಲ್, ಸಿಸೋಡಿಯಾ ಅವರು ದೇಶಕ್ಕೆ ಶಿಕ್ಷಣದ ಮಾದರಿಯನ್ನು ನೀಡಿದರು ಮತ್ತು ಜೈನ್ ಅವರು ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರಗಳಲ್ಲಿ ಮಹಾ ಬದಲಾವಣೆಗಳನ್ನು ತಂದ ಪ್ರಾಥಮಿಕ ಆರೋಗ್ಯದ ಮಾದರಿಯನ್ನು ನೀಡಿದರು ಎಂದು ಹೇಳಿದರು.
“ಅವರು ತುಂಬಾ ಧೈರ್ಯಶಾಲಿಗಳು, ಅವರು ದೇಶಕ್ಕಾಗಿ ಸಾಯಬಹುದು. ಅವರ ಸಂಕಲ್ಪವನ್ನು ಯಾರೂ ಮುರಿಯಲು ಸಾಧ್ಯವಿಲ್ಲ, ದೇಶದ ಸ್ಥಿತಿಯ ಬಗ್ಗೆ ನಾನು ಚಿಂತಿತನಾಗಿದ್ದೇನೆ” ಎಂದು ಅವರು ಹೇಳಿದರು.
