ಮುಂಬೈ: ಏರ್‌ಪೋರ್ಟ್ ಲೋಡರ್‌ಗಳಿಗಾಗಿ ಏರ್ ಇಂಡಿಯಾ ನೇಮಕಾತಿ ಡ್ರೈವ್ ನಿನ್ನೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಲ್ತುಳಿತದಂತಹ ಪರಿಸ್ಥಿತಿಗೆ ಕಾರಣವಾಯಿತು. 25,000 ಕ್ಕೂ ಹೆಚ್ಚು ಅರ್ಜಿದಾರರು 600 ಖಾಲಿ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಬಂದರು. ಏರ್ ಇಂಡಿಯಾ ಸಿಬ್ಬಂದಿ ಬೃಹತ್ ಗುಂಪನ್ನು ನಿರ್ವಹಿಸಲು ಹೆಣಗಾಡುವಂತಾಯಿತು.
ಫಾರ್ಮ್ ಕೌಂಟರ್‌ಗಳನ್ನು ತಲುಪಲು ಅರ್ಜಿದಾರರು ಪರಸ್ಪರ ಜಗಳವಾಡುವ ದೃಶ್ಯಗಳು ತೋರಿಸಿದವು. ಅರ್ಜಿದಾರರು ಆಹಾರ ಮತ್ತು ನೀರಿಲ್ಲದೆ ಗಂಟೆಗಟ್ಟಲೆ ಕಾಯಬೇಕಾಯಿತು. ಅವರಲ್ಲಿ ಹಲವರು ಅಸ್ವಸ್ಥರಾಗಿದ್ದಾರೆ ಎಂದು ವರದಿಗಳು ತಿಳಿಸಿವೆ.
ಏರ್‌ಪೋರ್ಟ್ ಲೋಡರ್‌ಗಳು ವಿಮಾನದಲ್ಲಿ ಸಾಮಾನುಗಳನ್ನು ಲೋಡ್ ಮಾಡುವುದು ಮತ್ತು ಇಳಿಸುವುದು ಮತ್ತು ಬ್ಯಾಗೇಜ್ ಬೆಲ್ಟ್‌ಗಳು ಮತ್ತು ರಾಂಪ್ ಟ್ರಾಕ್ಟರುಗಳನ್ನು ನಿರ್ವಹಿಸುವ ಕಾರ್ಯವನ್ನು ನಿರ್ವಹಿಸುತ್ತಾರೆ.
ಪ್ರತಿ ವಿಮಾನಕ್ಕೆ ಸಾಮಾನು, ಸರಕು ಮತ್ತು ಆಹಾರ ಸರಬರಾಜುಗಳನ್ನು ನಿರ್ವಹಿಸಲು ಕನಿಷ್ಠ ಐದು ಲೋಡರ್‌ಗಳ ಅಗತ್ಯವಿರುತ್ತದೆ.
ಏರ್‌ಪೋರ್ಟ್ ಲೋಡರ್‌ಗಳ ವೇತನವು ತಿಂಗಳಿಗೆ ₹ 20,000 ರಿಂದ ₹ 25,000 ರ ನಡುವೆ ಇರುತ್ತದೆ. ಆದರೆ ಹೆಚ್ಚಿನವರು ಓವರ್‌ಟೈಮ್ ಭತ್ಯೆಯ ನಂತರ ₹ 30,000 ಕ್ಕಿಂತ ಹೆಚ್ಚು ಗಳಿಸುತ್ತಾರೆ. ಉದ್ಯೋಗಕ್ಕಾಗಿ ಶೈಕ್ಷಣಿಕ ಮಾನದಂಡಗಳು ಮೂಲಭೂತವಾಗಿವೆ, ಆದರೆ ಅಭ್ಯರ್ಥಿಯು ದೈಹಿಕವಾಗಿ ಬಲವಾಗಿರಬೇಕು.
ಆಕಾಂಕ್ಷಿಗಳ ಪೈಕಿ ಬುಲ್ಧಾನ ಜಿಲ್ಲೆಯ ಪ್ರಥಮೇಶ್ವರ್ ಮಾತನಾಡಿ,” 400 ಕಿ.ಮೀ. ‘ಕೈಗಾರಿಕಾ ಹುದ್ದೆಗೆ ಅರ್ಜಿ ಸಲ್ಲಿಸಲು ಬಂದಿದ್ದೇನೆ. ₹ 22,500 ವೇತನ ನೀಡುತ್ತಿದ್ದಾರೆ’ ಎಂದರು. ಪ್ರಥಮೇಶ್ವರ್ ಬಿಬಿಎ ಎರಡನೇ ವರ್ಷದ ವಿದ್ಯಾರ್ಥಿ. ಕೆಲಸ ಸಿಕ್ಕರೆ ಓದು ಬಿಡುತ್ತೀಯಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ‘ಏನು ಮಾಡೋದು, ನಿರುದ್ಯೋಗ ತುಂಬಾ ಇದೆ, ಸರ್ಕಾರ ಹೆಚ್ಚು ಉದ್ಯೋಗಾವಕಾಶ ಸೃಷ್ಟಿಸಬೇಕು’ ಎಂದು ಬೇಸರದಿಂದ ನುಡಿದರು.
