ಅಯೋಧ್ಯೆ: ಅಯೋಧ್ಯೆಯ ತಪಸ್ವಿ ಚಾವ್ನಿ ದೇವಸ್ಥಾನದ ಪ್ರಧಾನ ಅರ್ಚಕ ಮಹಂತ್ ಪರಮಹಂಸ ದಾಸ್ ಅವರು ಸನಾತನ ಧರ್ಮ ವಿರೋಧಿ ಹೇಳಿಕೆಗಾಗಿ ಉದಯನಿಧಿ ಸ್ಟಾಲಿನ್ ಅವರ ಶಿರಚ್ಛೇದ ಮಾಡುವವರಿಗೆ 10 ಕೋಟಿ ರೂಪಾಯಿ ನಗದು ಬಹುಮಾನವನ್ನು ಘೋಷಿಸಿರುವ ಕುರಿತು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.
ನೀವು ಎಲ್ಲಿಂದ ಹಣ ಹೊಂದಿಸುತ್ತೀರಿ ಎಂದು ಕೇಳಿದಾಗ, “ನಾನು 500 ಕೋಟಿ ರೂ. ಒಡೆಯ ಮತ್ತು 10 ಕೋಟಿ ರೂ. ಪಾವತಿಸುವುದು ನನಗೆ ಏನೂ ಅಲ್ಲ” ಎಂದು ಹೇಳಿದರು. ಮಹಂತ್ ಪರಮಹಂಸ ದಾಸ್ ಈ ಹಿಂದೆಯೂ ಹಲವರ ತಲೆಗೆ ಇನಾಮು ಘೋಷಿಸಿ ಸುದ್ದಿಯಾಗಿದ್ದರು.
ಈ ವರ್ಷದ ಜನವರಿಯಲ್ಲಿ, “ಗೋಸ್ವಾಮಿ ತುಳಸಿದಾಸ್ ಅವರ ರಾಮಚರಿತಮಾನಸ್‌ಗೆ ತೋರಿದ ಅಗೌರವಕ್ಕಾಗಿ ಸಮಾಜವಾದಿ ಪಕ್ಷದ ಎಂಎಲ್‌ಸಿ ಸ್ವಾಮಿ ಪ್ರಸಾದ್ ಮೌರ್ಯ ಅವರ ತಲೆಯನ್ನು ತಂದುಕೊಡುವವರಿಗೆ” 500 ರೂಪಾಯಿ ನಗದು ಬಹುಮಾನವನ್ನು ಅವರು ಘೋಷಿಸಿದ್ದರು.
ಬೆದರಿಕೆಗೆ ಪ್ರತಿಕ್ರಿಯಿಸಿದ ಮೌರ್ಯ, “ಈಗ ದರ್ಶಕರು ಮತ್ತು ಮಹಂತರು ನನ್ನ ತಲೆಗೆ ಇನಾಮು ಘೋಷಿಸುತ್ತಿದ್ದರೆ, ಅವರನ್ನು ಭಯೋತ್ಪಾದಕರು ಎಂದು ಕರೆಯಬೇಕಲ್ಲವೇ?” ಎಂದು ತಿರುಗೇಟು ನೀಡಿದ್ದರು.
ಕೊಲೆ ಬೆದರಿಕೆಯ ಕುರಿತು ಪ್ರತಿಕ್ರಿಯೆ ನೀಡಿರುವ ಉದಯನಿಧಿ ಸ್ಟಾಲಿನ್,ತಮಿಳುನಾಡಿಗಾಗಿ ಪ್ರಾಣವನ್ನೇ ಪಣಕ್ಕಿಟ್ಟ ವ್ಯಕ್ತಿಯ ಮೊಮ್ಮಗ ನಾನು. ಈ ರೀತಿಯ ಬೆದರಿಕೆಗೆ ತಲೆ ಕೆಡಿಸಿಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ.
