ಭಾರತದ ಕುಸ್ತಿಪಟು ವಿನೇಶ್ ಫೋಗಟ್ ಪ್ಯಾರಿಸ್ ಒಲಿಂಪಿಕ್ ಗೇಮ್ಸ್ನಲ್ಲಿ ಫೈನಲ್ ಪ್ರವೇಶಿಸಿರುವ ಸಂದರ್ಭದಲ್ಲಿ ಇದೀಗ ಸ್ಪರ್ಧೆಯಿಂದಲೇ ಅನರ್ಹರಾಗಿದ್ದಾರೆ
50 ಕೆಜಿ ಫ್ರೀಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ ವಿನೇಶ್ ತನ್ನ ಈವೆಂಟ್ಗೆ ಮಿತಿ ಮೀರಿದ ಭಾರದ ಕಾರಣಸ್ಪರ್ಧೆಯಿಂದ ಅನರ್ಹರಾಗಿದ್ದಾರೆ ಎಂದು ವರದಿಯಾಗಿದೆ. ವಿನೇಶ್ ಸಾಮಾನ್ಯವಾಗಿ 53 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುತ್ತಾರೆ ಆದರೆ ಪ್ಯಾರಿಸ್ ಒಲಿಂಪಿಕ್ಸ್ಗಾಗಿ ತನ್ನ ತೂಕವನ್ನು 50 ಕೆಜಿಗೆ ಇಳಿಸಿದ್ದರು. 2 ನೇ ದಿನದಂದು, ವಿನೇಶ್ ಅವರು ಬಯಸಿದ ಮಿತಿಗಿಂತ ಹೆಚ್ಚು ತೂಕವನ್ನು ಹೊಂದಿದ್ದು ಅನರ್ಹತೆಗೆ ಕಾರಣ ಎನ್ನಲಾಗಿದೆ.
ವಿನೇಶ್ ಅವರು ಅಪೇಕ್ಷಿತ ತೂಕದ ಅಡಿಯಲ್ಲಿ ಬರಲು ಸಾಧ್ಯವಿರುವ ಎಲ್ಲವನ್ನೂ ಮಾಡಲು ಪ್ರಯತ್ನಿಸಿದರು.ಊಟ ಬಿಟ್ಟು ಅಥವಾ ಓಡಿ ಪ್ರಯತ್ನ ಪಟ್ಟರು. ಸ್ಪರ್ಧಿಸು ಭರವಸೆಯಿಂದ ಅವಳು ಇಡೀ ರಾತ್ರಿ ನಿದ್ದೆ ಮಾಡಲಿಲ್ಲ. ಭಾರತೀಯ ಅಧಿಕಾರಿಗಳು ಒಲಿಂಪಿಕ್ ಸಮಿತಿಗೆ ಹೆಚ್ಚಿನ ಸಮಯ ಕೇಳಿದರೂ ಪ್ರಯತ್ನಗಳು ವ್ಯರ್ಥವಾಯಿತು.
ಇದಕ್ಕೂ ಮೊದಲು, ವಿನೇಶ್ ಅವರು ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಕುಸ್ತಿ ಸ್ಪರ್ಧೆಯಲ್ಲಿ ಫೈನಲ್ ತಲುಪಿದ ಮೊದಲ ಭಾರತೀಯ ಮಹಿಳೆ ಎಂಬ ಇತಿಹಾಸವನ್ನು ಬರೆದಿದ್ದರು. ಬುಧವಾರ ಬೆಳಗ್ಗೆ ವಿನೇಶ್ ಕೇವಲ 100 ಗ್ರಾಂ ಹೆಚ್ಚಿನ ತೂಕ ಹೊಂದಿದ್ದರು ಎಂದು ಭಾರತೀಯ ಕೋಚ್ ಬಹಿರಂಗಪಡಿಸಿದ್ದಾರೆ. ನಿಯಮಗಳಲ್ಲಿ ವಿನಾಯಿತಿ ನೀಡಲು ಸಾಧ್ಯವಿಲ್ಲ ಕಾರಣ ಇದೀಗ ಅವರು ಸ್ಪರ್ಧೆಯಿಂದ ಅನರ್ಹರಾಗಿದ್ದಾರೆ
ವಿನೇಶ್ ಅವರ ಅನರ್ಹತೆಯ ಪರಿಣಾಮವಾಗಿ, ಅವರು ಪ್ಯಾರಿಸ್ ಕ್ರೀಡಾಕೂಟದಲ್ಲಿ ಯಾವುದೇ ಪದಕವನ್ನು ಗೆಲ್ಲುವುದಿಲ್ಲ. ವಿನೇಶ್ಗೆ ಬೆಳ್ಳಿ ಖಚಿತವಾಗಿದ್ದರೂ, ಆಕೆಯ ಅನರ್ಹಳದ ಕಾರಣ ಬರಿಗೈಯಲ್ಲಿ ಮನೆಗೆ ಮರಳಬೇಕಾಗುತ್ತದೆ.
