ಇರಾನ್ ನೊಂದಿಗೆ ಭಾರತ ಒಪ್ಪಂದ; ವಾರ್ನಿಂಗ್ ನೀಡಿದ ಅಮೇರಿಕ!

ಪಾಕಿಸ್ತಾನವನ್ನು ಬೈಪಾಸ್ ಮಾಡುವ ಮೂಲಕ ಮಧ್ಯ ಏಷ್ಯಾದೊಂದಿಗೆ ವ್ಯಾಪಾರವನ್ನು ವಿಸ್ತರಿಸಲು ಚಬಹಾರ್ ಬಂದರನ್ನು ನಿರ್ವಹಿಸುವ ಒಪ್ಪಂದಕ್ಕೆ ನವದೆಹಲಿ ನಿನ್ನೆ ಸಹಿ ಹಾಕಿತ್ತು. ಇದೀಗ ಈ ಒಪ್ಪಂದದ ಕುರಿತು ಅಮೇರಿಕಾ ಗರಂ ಆಗಿದೆ.

ಭಾರತವು 10 ವರ್ಷಗಳ ಒಪ್ಪಂದಕ್ಕೆ ಸಹಿ ಹಾಕಿದ ಸ್ವಲ್ಪ ಸಮಯದ ನಂತರ, ಟೆಹ್ರಾನ್‌ನ ಮೇಲಿನ ನಿರ್ಬಂಧಗಳು ಜಾರಿಯಲ್ಲಿವೆ ಮತ್ತು ಅವರೊಂದಿಗೆ ವ್ಯಾಪಾರ ವ್ಯವಹಾರಗಳನ್ನು ಪರಿಗಣಿಸುವ ಯಾರಾದರೂ “ಸಂಭಾವ್ಯ ಅಪಾಯದ ಬಗ್ಗೆ ತಿಳಿದಿರಬೇಕು” ಎಂದು ಯುಎಸ್ ಎಚ್ಚರಿಸಿದೆ.

ಮಧ್ಯ ಏಷ್ಯಾದೊಂದಿಗೆ ವ್ಯಾಪಾರವನ್ನು ವಿಸ್ತರಿಸಲು ಚಾಬಹಾರ್ ಬಂದರನ್ನು ನಿರ್ವಹಿಸುವ ಒಪ್ಪಂದಕ್ಕೆ ಭಾರತ ಸಹಿ ಹಾಕಿದೆ. ಗಲ್ಫ್ ಆಫ್ ಓಮನ್‌ನಲ್ಲಿರುವ ಬಂದರು, ಅಂತಾರಾಷ್ಟ್ರೀಯ ಉತ್ತರ-ದಕ್ಷಿಣ ಸಾರಿಗೆ ಕಾರಿಡಾರ್ ಎಂಬ ರಸ್ತೆ ಮತ್ತು ರೈಲು ಯೋಜನೆಯನ್ನು ಬಳಸಿಕೊಂಡು ಅಫ್ಘಾನಿಸ್ತಾನ ಮತ್ತು ಮಧ್ಯ ಏಷ್ಯಾವನ್ನು ತಲುಪಲು ಭಾರತೀಯ ಸರಕುಗಳಿಗೆ ಗೇಟ್‌ವೇ ಒದಗಿಸುತ್ತದೆ. ಈ ಮಾರ್ಗವು ಪಾಕಿಸ್ತಾನವನ್ನು ಬೈಪಾಸ್ ಮಾಡುತ್ತದೆ. ಭಾರತವು ಈ ಯೋಜನೆಯನ್ನು ಮೊದಲು 2003 ರಲ್ಲಿ ಪ್ರಸ್ತಾಪಿಸಿತ್ತು, ಆದರೆ ಅದರ ಶಂಕಿತ ಪರಮಾಣು ಕಾರ್ಯಕ್ರಮದ ಹೆಸರಿನಲ್ಲಿ ಇರಾನ್ ಮೇಲೆ US ಹೇರಿದ್ದ ನಿರ್ಬಂಧಗಳಿಂದ ಬಂದರಿನ ಅಭಿವೃದ್ಧಿಯನ್ನು ನಿಧಾನಗೊಳಿಸಿದ್ದವು.

ಈ ಒಪ್ಪಂದದ ಕುರಿತು ಖಡಕ್ ಪ್ರತಿಕ್ರಿಯೆ ನೀಡಿರುವ ಯುಎಸ್, ” “ಯಾರಾದರೂ ಇರಾನ್‌ನೊಂದಿಗೆ ವ್ಯಾಪಾರ ವ್ಯವಹಾರಗಳನ್ನು ಪರಿಗಣಿಸಿದರೆ, ಅವರು  ಸಂಭಾವ್ಯ ಅಪಾಯ ಮತ್ತು ಸಂಭವನೀಯ ನಿರ್ಬಂಧಗಳ  ಬಗ್ಗೆ ತಿಳಿದಿರಬೇಕು” ಎಂದು ಅವರು ಯುಎಸ್ ಸ್ಟೇಟ್ ಡಿಪಾರ್ಟ್‌ಮೆಂಟ್‌ನ ಉಪ ವಕ್ತಾರ ವೇದಾಂತ್ ಪಟೇಲ್ ಹೇಳಿದರು. ಇದಕ್ಕೆ ಯಾವುದೇ ವಿನಾಯಿತಿ ಇದೆಯೇ ಎಂದು ವರದಿಗಾರರು ಕೇಳಿದಾಗ, ಪಟೇಲ್ ಅವರು “ಇಲ್ಲ” ಎಂದು ಪ್ರತಿಕ್ರಿಯಿಸಿದ್ದಾರೆ‌.







Latest Indian news

Popular Stories