ಕೊಡಗು: ಅಪ್ರಾಪ್ತ ಬಾಲಕಿಯೋರ್ವಳ ಮೇಲೆ ಅತ್ಯಾಚಾರ ಎಸಗಿದ ಇಬ್ಬರು ಆರೋಪಿಗಳನ್ನು ಹಾಗೂ ಇನ್ನೊಬ್ಬಳು ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಲು ಯತ್ನಿಸಿದ ಆರೋಪದ ಮೇಲೆ ಮೂವರನ್ನು ಪತ್ತೆಹಚ್ಚಿ ಬಂಧಿಸುವಲ್ಲಿ ಕೊಡಗು ಪೊಲೀಸರು ಯಶಸ್ವಿಯಾಗಿದ್ದಾರೆ. ಈ ಕುರಿತು ಕೊಡಗು ಜಿಲ್ಲಾ ಪೊಲೀಸ್ ಇಲಾಖೆ ಹೊರಡಿಸಿರುವ ಪ್ರಕಟಣೆ ಇಲ್ಲಿದೆ.
ದಿನಾಂಕ 09-07-2024ರಂದು ಸುಮಾರು ಮಧ್ಯಾಹ್ನ 3.15 ಗಂಟೆ ಸಮಯದಲ್ಲಿ ಕುಟ್ಟದಿಂದ ನಾಗರಹೊಳೆ ಕಡೆ ಹೋಗುವ ರಸ್ತೆಯಲ್ಲಿ 5 ಜನರು (ಇಬ್ಬರು ಅಪ್ರಾಪ್ತ ಬಾಲಕಿಯರು ಮತ್ತು ಮೂವರು ಗಂಡು) ತೆರಳುವ ಸಂದರ್ಭ ಕುಟ್ಟ ಕಡೆಯಿಂದ ಬರುತ್ತಿದ್ದ ಕಾರನ್ನು (ಮಾರುತಿ 800) ನಿಲ್ಲಿಸಿದ್ದು, ಕಾರಿನಲ್ಲಿ ಇದ್ದ ಅಪರಿಚಿತ ಇಬ್ಬರು ವ್ಯಕ್ತಿಗಳೊಂದಿಗೆ ನಾಗರಹೊಳೆ ಕಡೆಗೆ ಬಿಡುವಂತೆ ಕೇಳಿ ಕಾರಿನಲ್ಲಿ 5 ಜನ ಪ್ರಯಾಣಿಸಿದ್ದು ಸ್ವಲ್ಪ ದೂರ ತೆರಳಿದ ನಂತರ ರಸ್ತೆ ಬದಿಯ ಕಾಫಿ ತೋಟದ ಬಳಿ ಕಾರನ್ನು ನಿಲ್ಲಿಸಿ ಕಾರಿನಲ್ಲಿ ಆಪರಿಚಿತ ಇಬ್ಬರೂ ವ್ಯಕ್ತಿಗಳು ಒಂದು ಅಪ್ರಾಪ್ತ ಹುಡುಗಿಯನ್ನು ಅತ್ಯಾಚಾರ ಮಾಡಿದ್ದು ಹಾಗೂ ಜೊತೆಯಲ್ಲಿ ಬಂದಿದ್ದ ಮೂರು ಹುಡುಗರು ಮತ್ತೊಬ್ಬಳು ಅಪ್ರಾಪ್ತ ಹುಡುಗಿಯನ್ನು ಅತ್ಯಾಚಾರ ಮಾಡಲು ಪ್ರಯತ್ನಿಸಿರುವ ಕುರಿತು ದೂರು ಸ್ವೀಕರಿಸಿದ್ದು ಕುಟ್ಟ ಪೊಲೀಸ್ ಠಾಣೆಯಲ್ಲಿ 137(2), 140(4). 70(2), 70 BNS & 4, 6, 10 ಪೋಕ್ಸೋ ಆಕ್ಟ್ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆಯನ್ನು ಕೈಗೊಳ್ಳಲಾಗಿರುತ್ತದೆ. ಸದರಿ ಪ್ರಕರಣದ ಘಟನೆ ಸ್ಥಳಕ್ಕೆ ಶ್ರೀ ಕೆ. ರಾಮರಾಜನ್ IPS ಪೋಲೀಸ್ ಅಧೀಕ್ಷಕರು, ಕೊಡಗು ಜಿಲ್ಲೆ, ಶ್ರೀ ಸುಂದರ್ ರಾಜ್ ಹೆಚ್ಚುವರಿ ಪೋಲೀಸ್ ಅಧೀಕ್ಷಕರು, ಕೊಡಗು ಜಿಲ್ಲೆ, ಶ್ರೀ ಆರ್. ಮೋಹನ್ ಕುಮಾರ್ ಡಿವೈಎಸ್ಪಿ ವಿರಾಜಪೇಟೆ ಉವಿಭಾಗ ಹಾಗೂ ಶ್ರೀ ಮಂಜಪ್ಪ ಸಿ. ಎ. ಸಿಪಿಐ ಕುಟ್ಟ ವೃತ್ತ, ಶ್ರೀ ಮಹದೇವ ಹೆಚ್.ಕೆ. ಪಿಎಸ್ಐ ಕುಟ್ಟ ಪೊಲೀಸ್ ಠಾಣೆ ಹಾಗೂ ಸಿಬ್ಬಂದಿಗಳು, ಅಪರಾಧ ಪತ್ತೆ ತಜ್ಞರ ತಂಡ ಭೇಟಿ ನೀಡಿ ಅಪರಾಧ ಕೃತ್ಯದ ಕುರಿತು ಮಾಹಿತಿ ಹಾಗೂ ಸಾಕ್ಷ್ಯಧಾರಗಳನ್ನು ಕಲೆಹಾಕಿ ದೂರುದಾರರು ನೀಡಿದ ಮಾಹಿತಿ ಅನ್ವಯ ತಲೆಮರೆಸಿಕೊಂಡಿರುವ ಆರೋಪಿಗಳ ಪತ್ತೆಗಾಗಿ ಮತ್ತು ತಾಂತ್ರಿಕ ಸಿಬ್ಬಂದಿಗಳ ವಿಶೇಷ ತಂಡವನ್ನು ರಚಿಸಿ ತನಿಖೆ ಕೈಗೊಂಡು ಮಾಹಿತಿ ಸಂಗ್ರಹಿಸಿ ದಿನಾಂಕ 10-07-2024 ರಂದು ಪ್ರಕರಣ ದಾಖಲಾದ 12 ಗಂಟೆಯಲ್ಲಿ 5 ಜನ ಆರೋಪಿಗಳನ್ನು ದಸ್ತಗಿರಿ ಮಾಡಿ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿರುತ್ತದೆ.
ಆರೋಪಿಗಳ ವಿವರ:
1. ನವೀಂದ್ರ, 24 ವರ್ಷ, ನಾಥಂಗಾಲ, ಕುಟ್ಟ.
2. ಅಕ್ಷಯ್ 27 ವರ್ಷ, ನಾಥಂಗಾಲ, ಕುಟ್ಟ
3. ರಾಹುಲ್ 21 ವರ್ಷ, ನಡುಂದನ ಕಾಲೋನಿ, ತೋಲ್ಪಟ್ಟಿ, ಕೇರಳ ರಾಜ್ಯ
4. ಮನು, 23 ವರ್ಷ, ನಡುಂದನ ಕಾಲೋನಿ, ತೋಲ್ಪಟ್ಟಿ, ಕೇರಳ ರಾಜ್ಯ
5. ಸಂದೀಪ, 27 ವರ್ಷ, ನಡುಂದನ ಕಾಲೋನಿ, ತೋಲ್ಪಟ್ಟಿ, ಕೇರಳ ರಾಜ್ಯ.
ಕಾರೊದನ್ನು ವಶಪಡಿಸಿಕೊಳ್ಳಲಾಗಿದೆ
