ಒಡಿಶಾದ ಕೇಂದ್ರಪಾರದ ಗೋಲರ್‌ಹತ್ ಗ್ರಾಮದಲ್ಲಿ, ಆಗಸ್ಟ್ 15 ರಂದು ಸ್ವಾತಂತ್ರ್ಯ ದಿನಾಚರಣೆಯ ಪ್ರಯುಕ್ತ ರಾಷ್ಟ್ರಧ್ವಜಕ್ಕೆ ಹೆಚ್ಚಿನ ಬೇಡಿಕೆಯಿದ್ದು ಅದನ್ನು ಪೂರೈಸಲು ಸ್ವಸಹಾಯ ಗುಂಪಿನ ಸುಮಾರು 120 ಮುಸ್ಲಿಂ ಮಹಿಳೆಯರು ಅವಿರತವಾಗಿ ಶ್ರಮಿಸುತ್ತಿದ್ದಾರೆ. ಉತ್ಕಲ್ ಗ್ರಾಮೀಣ ಎಸ್‌ಎಚ್‌ಜಿಯ ಭಾಗವಾಗಿರುವ ಈ ಮಹಿಳೆಯರು ತಮ್ಮ ಧ್ವಜ ತಯಾರಿಕೆಯ ಕೌಶಲ್ಯವನ್ನು ವರ್ಷಗಳಿಂದ ಗೌರವದಿಂದ ನಡೆಸುತ್ತಿದ್ದಾರೆ. ಈಗ ಬೇಡಿಕೆಯನ್ನು ಪೂರ್ಣಗೊಳಿಸಲು ಹಗಲಿರುಳು ಶ್ರಮಿಸುತ್ತಿದ್ದಾರೆ.
ಕೆಲವು ಮಹಿಳೆಯರು ಮನೆಯಿಂದಲೇ ಕೆಲಸ ಮಾಡಲು ಬಯಸುತ್ತಾರೆ. ಇತರರು ಗುಂಪುಗಳಲ್ಲಿ ಒಟ್ಟಾಗಿ ಕೆಲಸ ಮಾಡಲು ಕಾರ್ಯಾಗಾರಗಳನ್ನು ಸ್ಥಾಪಿಸಿದ್ದಾರೆ. ಒಂದು ಧ್ವಜದ ಬೆಲೆ ರೂ 50 ರಿಂದ ರೂ 300 ವರೆಗೆ ಇರುತ್ತದೆ ಮತ್ತು ಪ್ರತಿ ಕುಶಲಕರ್ಮಿ ಅವರು ಹೊಲಿದ ಧ್ವಜಕ್ಕೆ ಸುಮಾರು ರೂ 10 ರಿಂದ ರೂ 100 ಗಳಿಸುತ್ತಾರೆ.
SHG ಮತ್ತು ನಿರ್ಮಾಪಕರ ಗುಂಪಿನ ಮಹಿಳೆಯರು ಸಾಮಾನ್ಯವಾಗಿ ಶಾಲಾ ಮಕ್ಕಳಿಗೆ ಬಟ್ಟೆ, ಬೆಡ್ ಶೀಟ್ ಮತ್ತು ಜಾಕೆಟ್‌ಗಳನ್ನು ಹೊಲಿಯುತ್ತಾರೆ. ಆದರೆ ಸ್ವಾತಂತ್ರ್ಯ ದಿನಾಚರಣೆ ಮತ್ತು ಗಣರಾಜ್ಯೋತ್ಸವದಂತಹ ವಿಶೇಷ ಸಂದರ್ಭಗಳಲ್ಲಿ ಅವರು ರಾಷ್ಟ್ರಧ್ವಜಗಳನ್ನು ಹೊಲಿಯುತ್ತಾರೆ. ಮಹಿಳಾ ಸಬಲೀಕರಣವನ್ನು ಬೆಂಬಲಿಸುವ ಉಪಕ್ರಮವಾದ ಮಿಷನ್ ಶಕ್ತಿಯಿಂದ ಅವರು ಆರ್ಥಿಕ ಸಹಾಯವನ್ನು ಪಡೆದಿದ್ದಿಉ ಜಿಲ್ಲಾ ಮಿಷನ್ ಶಕ್ತಿಯ ಸಂಯೋಜಕ ಕೈಲಾಶ್ ಚಂದ್ರ ಸೇನಾಪತಿ ಅವರು ಧ್ವಜಗಳನ್ನು ಮಾರಾಟ ಮಾಡಲು ಮಾರ್ಗದರ್ಶನ ಮತ್ತು ಸಹಾಯ ಮಾಡುತ್ತಿದ್ದಾರೆ.
ತ್ರಿವರ್ಣ ಧ್ವಜಗಳನ್ನು ರಚಿಸುವಲ್ಲಿ ಈ ಮುಸ್ಲಿಂ ಮಹಿಳೆಯರ ಸಮರ್ಪಣೆ ಮತ್ತು ಕಠಿಣ ಪರಿಶ್ರಮವು ಅವರ ದೇಶದ ಮೇಲಿನ ಪ್ರೀತಿ ಮತ್ತು ಗೌರವವನ್ನು ಮತ್ತು ಅದರ ಆಚರಣೆಗಳಿಗೆ ಕೊಡುಗೆ ನೀಡುವ ಅವರ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ.
