ವಿಜಯಪುರ: ಅಕ್ರಮವಾಗಿ ಮದ್ಯ ಸಾಗಾಟ ಮಾಡುವ ವೇಳೆ ಪೊಲೀಸರು ದಾಳಿಗೈದು ಲಕ್ಷಾಂತರ ಮೌಲ್ಯದ ಮದ್ಯ, ಕಾರು ಜಪ್ತಿಗೈದಿರುವ ಘಟನೆ ವಿಜಯಪುರ ಜಿಲ್ಲೆಯ ಸಿಂದಗಿ ತಾಲ್ಲೂಕಿನ ಮನ್ನಾಪುರ ಗ್ರಾಮದ ಹರ್ಷಾ ಗಾರ್ಡನ್ ಬಳಿ ಗುರುವಾರ ನಡೆದಿದೆ.
ಅಕ್ಬರ್ ಪಟೇಲ್, ಪರಶುರಾಮ ತಳವಾರ, ವಿನೋದ ಸಿಂಗರಿ ಬಂಧಿತ ಆರೋಪಿಗಳು. ಅಲ್ಲದೇ, ವಿವಿಧ ಮದ್ಯ ಬಾಟಲ್, ಕಾರು ಸೇರಿ 2.44 ಲಕ್ಷ ಮೌಲ್ಯದ ವಸ್ತುಗಳನ್ನು ಜಪ್ತಿಗೈದಿದ್ದಾರೆ.
ಸಿಇಎನ್ ಕ್ರೈಂ ಪಿಎಸ್ಐ ಸಂಜೀವ ಕಾಂಬ್ಳೆ ನೇತೃತ್ವದಲ್ಲಿ ದಾಳಿ ಮಾಡಲಾಗಿದೆ. ಈ ಕುರಿತು ಸಿಇಎನ್ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
