ಕೀನ್ಯಾ ತನ್ನ ಕೋವಿಡ್ -19 ಪರಿಹಾರ ಕಾರ್ಯಗಳ ಭಾಗವಾಗಿ ಭಾರತಕ್ಕೆ 12 ಟನ್ ಆಹಾರ ಉತ್ಪನ್ನಗಳನ್ನು ದಾನ ಮಾಡಿದೆ.
ಕೀನ್ಯಾ ತನ್ನ ದೇಶದಲ್ಲಿ ಉತ್ಪಾದಿಸಿರುವಂತಹ ಕಾಫಿ, ನೆಲಗಡಲೆ ಮತ್ತು ಚಹಾ ಪುಡಿಯನ್ನು ಭಾರತಕ್ಕೆ ಕಳುಹಿಸಿದೆ.
ಭಾರತೀಯ ರೆಡ್ -ಕ್ರಾಸ್ ಸಂಸ್ಥೆಗೆ ಈ ಆಹಾರ ಸಾಮಗ್ರಿಗಳನ್ನು ನೀಡಲಾಗುತ್ತಿದೆ ಮತ್ತು ಇವುಗಳನ್ನು ಮಹಾರಾಷ್ಟ್ರದಲ್ಲಿ ಹಂಚಲಾಗುತ್ತದೆ ಎಂದು ರೆಡ್-ಕ್ರಾಸ್ ತಿಳಿಸಿದೆ.
ಇಂತಹ ಕಷ್ಟದ ಸಮಯದಲ್ಲಿ ನಾವು ಭಾರತ ದೇಶದೊಂದಿಗೆ ಜೊತೆಯಾಗಿ ನಿಂತು ಸಹಕರಿಸಲಿದ್ದೇವೆ ಎಂದು ಕೀನ್ಯಾದ ರಾಯಭಾರಿ ವಿಲ್ಲಿ ಬೆಟ್ ರವರು ತಿಳಿಸಿದ್ದಾರೆ.
ಈ ಆಹಾರ ಸಾಮಗ್ರಿಗಳನ್ನು ವಿಲ್ಲಿ ಬೆಟ್ ರವರು ನೈರೋಬಿಯಿಂದ ದೆಹಲಿಗೆ ಬಂದು ಭಾರತೀಯ ರೆಡ್ ಕ್ರಾಸ್ ಸಂಸ್ಥೆಗೆ ಹಸ್ತಾಂತರಿಸಿದ್ದಾರೆ. ಕೋವಿಡ್ ಕಾಲದಲ್ಲಿ ಮುಂಚೂಣಿ ಕಾರ್ಯಕರ್ತರಾಗಿ ಕೆಲಸ ಮಾಡುತ್ತಿರುವವರಿಗೆ ಈ ಆಹಾರ ಸಾಮಗ್ರಿಗಳನ್ನು ನೀಡಬೇಕೆಂದು ಕೀನ್ಯಾ ಮನವಿ ಮಾಡಿದೆ.