ಕಾಪು: ಮುಸ್ಲಿಮ್ ಸಂಘಟನೆಗಳು ತರಗತಿಯಲ್ಲಿ ಹಿಜಾಬ್ ನಿಷೇಧಿಸಿ ವಿರೋಧಿಸಿ ರಾಜ್ಯ ಬಂದ್’ಗೆ ಕರೆ ನೀಡಿದ್ದವು. ಹಿಜಾಬ್ ವಿವಾದ ಭುಗಿಲೆದ್ದ ಉಡುಪಿ ಜಿಲ್ಲೆಯ ಕಾಪು ನಗರದಲ್ಲಿ ಹಲವು ಅಂಗಡಿ ಮುಗ್ಗಟ್ಟುಗಳು ಮುಚ್ಚಿ ಬಂದ್’ಗೆ ಸ್ಪಂದಿಸಿವೆ.
ಉಡುಪಿ ಜಿಲ್ಲಾ ಮುಸ್ಲಿಮ್ ಒಕ್ಕೂಟ ಬಂದ್’ಗೆ ಬೆಂಬಲ ಸೂಚಿಸಿತ್ತು. ಈ ಹಿನ್ನಲೆಯಲ್ಲಿ ನಗರದ ಪ್ರಮುಖ ಅಂಗಡಿಗಳು, ಹೊಟೇಲ್’ಗಳು ತೆರೆಯದೆ ತಮ್ಮ ಪ್ರತಿಭಟನೆ ದಾಖಲಿಸಿದ್ದಾರೆ. ಕಾಪು ನಗರದಲ್ಲಿ ಬಹುತೇಕ ಅಂಗಡಿಗಳು ಮುಚ್ಚಿರುವ ದೃಶ್ಯ ಕಂಡು ಬಂದಿದೆ.
