
Featured Story
ಸಾಮಾಜಿಕ ಜಾಲತಾಣದಲ್ಲಿ ಚರ್ಚಿಸಬೇಡಿ, ನ್ಯಾಯಾಲಯದ ಮೇಲೆ ಭರವಸೆ ಇಡಿ – ಪೆಗಾಸಸ್ ವಿಚಾರದಲ್ಲಿ ಅರ್ಜಿದಾರರಿಗೆ ಸುಪ್ರೀಮ್ ಸಲಹೆ
ನವದೆಹಲಿ: ಪೆಗಾಸಸ್ ಸ್ಪೈವೇರ್ ಹಗರಣದ ಕುರಿತು ವಿಚಾರಣೆ ಕೈಗೆತ್ತಿಕೊಂಡ ಸರ್ವೊಚ್ಚ ನ್ಯಾಯಾಲಯ, ಪೆಗಾಸಸ್ ಅರ್ಜಿದಾರರಿಗೆ ‘ನ್ಯಾಯಾಲಯದಲ್ಲಿ ಭರವಸೆ ಇಟ್ಟು’ ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಚರ್ಚೆ ಮಾಡುವುದನ್ನು ನಿಲ್ಲಿಸಿ ಎಂದು ಸಲಹೆ ನೀಡಿದರು.
ಯಾಕೆ ನೀವು ಹೊರಗೆ ಚರ್ಚಿಸುತ್ತೀರಾ? ಹೊರಗೆ ಏನೆಲ್ಲಾ ಚರ್ಚೆ ನಡೆಸುವುದಕ್ಕಿಂತ ಸೂಕ್ತವಾಗಿ ನ್ಯಾಯಾಲಯದಲ್ಲಿ ವಾದಿಸಿ ಎಂದು ಅರ್ಜಿದಾರರಿಗೆ ನ್ಯಾಯಾಲಯ ಸಲಹೆ ನೀಡಿದೆ. ನಾವು ಚರ್ಚೆಯ ವಿರುದ್ಧವಿಲ್ಲ. ಆದರೆ ಪ್ರಕರಣ ನ್ಯಾಯಾಲಯದಲ್ಲಿರುವಾಗ ಸೂಕ್ಷವಾಗಿ ವರ್ತಿಸಬೇಕು ಎಂದು ಹೇಳಿದರು. ಇದೀಗ ನ್ಯಾಯಾಲಯ ವಿಚಾರಣೆಯನ್ನು ಸೋಮವಾರಕ್ಕೆ ಮುಂದೂಡಿದೆ.




