ಪ್ರತಿಸ್ಪರ್ಧಿ ಗುಂಪುಗಳಾದ ಫತಾಹ್ ಮತ್ತು ಹಮಾಸ್ ಸಮನ್ವಯದ ಕುರಿತು ಮಾತುಕತೆಗಾಗಿ ಚೀನಾದಲ್ಲಿ ಸಮಾವೇಶಗೊಂಡವು. ಬೀಜಿಂಗ್‌ನಲ್ಲಿರುವ ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಸಭೆಯನ್ನು ದೃಢಪಡಿಸಿದೆ. ಗಾಜಾ ಪಟ್ಟಿಯ ಮೇಲಿನ ಇಸ್ರೇಲಿ ಯುದ್ಧದ ಕಾರಣದಿಂದಾಗಿ ಉತ್ತುಂಗಕ್ಕೇರಿದ ಉದ್ವಿಗ್ನತೆಯ ನಡುವೆ ಭೇಟಿ ಪ್ರಾಮುಖ್ಯತೆ ಸಾರಿದೆ.
ಇತ್ತೀಚೆಗೆ ನಡೆದ ಮಾತುಕತೆಯ ಸಮಯದಲ್ಲಿ ಫತಾಹ್ ಮತ್ತು ಹಮಾಸ್ ಎರಡೂ ಕಡೆಯ ಪ್ರತಿನಿಧಿಗಳು ಚೀನಾದ ಅಧಿಕಾರಿಗಳು ಸುಗಮಗೊಳಿಸಿದ ಪ್ರಾಮಾಣಿಕ ಸಂವಾದದಲ್ಲಿ ತೊಡಗಿಸಿಕೊಂಡರು. ಸಭೆಯ ನಿರ್ದಿಷ್ಟ ದಿನಾಂಕವನ್ನು ಬಹಿರಂಗಪಡಿಸದಿದ್ದರೂ, ವಿದೇಶಾಂಗ ಸಚಿವಾಲಯದ ವಕ್ತಾರ ಲಿನ್ ಜಿಯಾನ್ ಚರ್ಚೆಗಳ ರಚನಾತ್ಮಕ ಸ್ವರೂಪವನ್ನು ವಿವರಿಸಿದ್ದಾರೆ.
ಸಂವಾದ ಮತ್ತು ಸಮಾಲೋಚನೆಯ ಮೂಲಕ ಸಮನ್ವಯವನ್ನು ಮುಂದುವರಿಸಲು ಎರಡೂ ಕಡೆಯವರು ಬಲವಾದ ರಾಜಕೀಯ ಇಚ್ಛೆಯನ್ನು ವ್ಯಕ್ತಪಡಿಸಿದ್ದಾರೆ.
ಪ್ಯಾಲೆಸ್ತೀನ್‌ನೊಂದಿಗಿನ ಸಾಂಪ್ರದಾಯಿಕ ಸ್ನೇಹಕ್ಕಾಗಿ ಹೆಸರುವಾಸಿಯಾದ ಚೀನಾ, ಏಕತೆ ಮತ್ತು ಐಕಮತ್ಯವನ್ನು ಸಾಧಿಸುವ ಪ್ರಯತ್ನಗಳಲ್ಲಿ ಪ್ಯಾಲೇಸ್ಟಿನಿಯನ್ ಬಣಗಳಿಗೆ ತನ್ನ ಬೆಂಬಲವನ್ನು ಪುನರುಚ್ಚರಿಸಿದೆ. ಬೀಜಿಂಗ್ ಪ್ಯಾಲೇಸ್ಟಿನಿಯನ್ ಗುಂಪುಗಳ ನಡುವೆ ಸಮನ್ವಯವನ್ನು ಸುಗಮಗೊಳಿಸಲು ನಿರಂತರ ಸಕ್ರಿಯ ಕಾರ್ಯ ನಿರ್ವಹಿಸುವುದಾಗಿ ತಿಳಿಸಿದೆ.
ಚೀನಾದಲ್ಲಿ ನಡೆದ ಈ ಸಭೆಯಂತೆ ಈ ವರ್ಷದ ಆರಂಭದಲ್ಲಿ ಮಾಸ್ಕೋದಲ್ಲಿ ಸಭೆ ನಡೆದಿತ್ತು. ಅಲ್ಲಿ ಫತಾಹ್, ಹಮಾಸ್ ಮತ್ತು ಇತರ ರಾಜಕೀಯ ಬಣಗಳ ಪ್ರತಿನಿಧಿಗಳು ಏಕೀಕೃತ ಪ್ಯಾಲೇಸ್ಟಿನಿಯನ್ ಸರ್ಕಾರದ ರಚನೆಯ ಕುರಿತು ಚರ್ಚಿಸಲಾಗಿದೆ.
