ಟೋಕಿಯೋ: ಅತ್ಯಂತ ಭೀಕರ ಘಟನೆಯೊಂದರಲ್ಲಿ ಆಗಂತುಕನೊಬ್ಬ ಖುಷಿಯಾಗಿರುತ್ತಿದ್ದ ಮಹಿಳೆಯರನ್ನು ಕೊಲ್ಲಲು ಪ್ರಯತ್ನಿಸಿದ್ದು ಆ ಹಿನ್ನಲೆಯಲ್ಲಿ ಹತ್ತು ಮಂದಿಯ ಮೇಲೆ ಚೂರಿಯಿಂದ ಇರಿದಿದ್ದಾನೆ.
36 ವರ್ಷದ ವ್ಯಕ್ತಿಯನ್ನು ಟೋಕಿಯೋ ಪೊಲೀಸರು ರೈಲೊಂದರಲ್ಲಿ ಕೃತ್ಯವೆಸಗುತ್ತಿದ್ದಾಗ ಬಂಧಿಸಿದ್ದಾರೆ. ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿಯೊಬ್ಬಳು ಈ ಕೃತ್ಯದಿಂದಾಗಿ ಗಂಭೀರವಾಗಿ ಗಾಯಗೊಂಡಿದ್ದಾಳೆ. ಉಳಿದಂತೆ ಒಂಭತ್ತು ಮಂದಿ ಮಹಿಳೆಯರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.
“ನನಗೆ ಮಹಿಳೆಯರು ಖುಷಿಯಾಗಿರುವುದನ್ನು ಕಂಡಾಗ ಕೊಲ್ಲಲು ಮನಸ್ಸಾಗುತ್ತಿತ್ತು” ಎಂದು ಆರೋಪಿ ಹೇಳಿಕೊಂಡಿದ್ದಾನೆ.
2008 ರಲ್ಲೂ ಜಪಾನಿನಲ್ಲಿ ಇಂತಹ ಘಟನೆಯೊಂದು ನಡೆದು ಚೂರಿ ಇರಿತದಿಂದಾಗಿ ಎಂಟು ಮಂದಿ ಮೃತಪಟ್ಟಿದ್ದರು.
