ಉಡುಪಿ: ಬಿ.ಆರ್ ವೆಂಚರ್ಸ್ ಗುತ್ತಿಗೆ ಪಡೆದು ನಂತರ ನಿರ್ವಹಿಸುವಲ್ಲಿ ವೈಫಲ್ಯ ಅನುಭವಿಸಿ ಸಮಸ್ಯೆಗಳ ಆಗಾರವಾಗಿದ್ದ ಉಡುಪಿಯ ಹಾಜಿ ಅಬ್ದುಲ್ಲಾ ಆಸ್ಪತ್ರೆ ಮತ್ತೆ ಸರಕಾರದ ಸುಪರ್ದಿಗೆ ಪಡೆಯಲಾಗಿದೆ.
ಸಚಿವ ಸಂಪುಟದ ಸಭೆಯಲ್ಲಿ ಈ ಕುರಿತು ನಿರ್ಣಯ ಕೈಗೊಳ್ಳಲಾಗಿದ್ದು 200 ಬೆಡ್ ಆಸ್ಪತ್ರೆ ನಿರ್ವಹಿಸಲು ಈಗಿನ ಸಿಬ್ಬಂದಿಗಳ ಜೊತೆ 103 ಹೆಚ್ಚುವರಿ ಸಿಬ್ಬಂದಿಗಳನ್ನು ಮಂಜೂರು ಮಾಡಲಾಗಿದೆ. ಇದಕ್ಕಾಗಿ ವಾರ್ಷಿಕ 9.83 ಕೋಟಿ ಅನುದಾನಕ್ಕೆ ಅನುಮೋದನೆ ನೀಡಲಾಗಿರುವ ಕುರಿತು ವರದಿಯಾಗಿದೆ.
ಈ ನಿರ್ಣಯ ಕೈಗೊಂಡ ಸರಕಾರಕ್ಕೆ, ಮುಖ್ಯಮಂತ್ರಿಗಳಿಗೆ ಮತ್ತು ಆರೋಗ್ಯ ಸಚಿವ ಡಾ.ಸುಧಾಕರ್ ಅವರಿಗೆ ಶಾಸಕ ರಘುಪತಿ ಭಟ್ ಅಭಿನಂದನೆ ಸಲ್ಲಿಸಿದ್ದಾರೆ.
