5,000 ಮತಗಳ ಸ್ವಿಂಗ್ ಪಂಜಾಬ್‌ನ ಪ್ರತಿ ಐದನೇ ಅಸೆಂಬ್ಲಿ ಸ್ಥಾನ ಮತ್ತು ಉತ್ತರ ಪ್ರದೇಶದ ಪ್ರತಿ 10 ನೇ ಸ್ಥಾನದ ಫಲಿತಾಂಶವನ್ನು ಬದಲಾಯಿಸಬಹುದು. ಎರಡೂ ರಾಜ್ಯಗಳಲ್ಲಿನ 2017 ರ ಫಲಿತಾಂಶಗಳ ವಿಶ್ಲೇಷಣೆ ಇದನ್ನು ಎತ್ತಿ ತೋರಿಸುತ್ತಿದೆ.
ಪಂಜಾಬ್‌ನ 117 ಸ್ಥಾನಗಳಲ್ಲಿ 26 ಮತ್ತು ಉತ್ತರ ಪ್ರದೇಶದ 403 ಕ್ಷೇತ್ರಗಳಲ್ಲಿ 47 ಸ್ಥಾನಗಳಲ್ಲಿ ಕಳೆದ ಚುನಾವಣೆಯ ಸಂದರ್ಭ 5,000 ಕ್ಕಿಂತ ಕಡಿಮೆ ಮತಗಳ ಗೆಲುವಿನ ಅಂತರದಿಂದ ನಿರ್ಧರಿಸಲ್ಪಟ್ಟಿದ್ದು ಗಮನಾರ್ಹ.
ಎರಡು ರಾಜ್ಯಗಳಲ್ಲಿನ ಅಸೆಂಬ್ಲಿ ಕ್ಷೇತ್ರದ ಸರಾಸರಿ ಗಾತ್ರದ ದೃಷ್ಟಿಯಿಂದ 5,000-ಮತಗಳ ಅಂತರವು ದೊಡ್ಡದಲ್ಲ. ಯುಪಿಯಲ್ಲಿ ಸುಮಾರು 3.74 ಲಕ್ಷ ಮತ್ತು ಪಂಜಾಬ್‌ನಲ್ಲಿ ಸುಮಾರು 1.83 ಲಕ್ಷ ಮತದಾರರು ಪ್ರತಿ ಕ್ಷೇತ್ರದಲ್ಲಿದ್ದಾರೆ.
ಯುಪಿಯಲ್ಲಿ, 5,000ಕ್ಕಿಂತ ಕಡಿಮೆ ಮತಗಳ ಗೆಲುವಿನ ಅಂತರದಿಂದ ನಿರ್ಧರಿಸಲ್ಪಟ್ಟ 47 ಸ್ಥಾನಗಳಲ್ಲಿ, ಬಿಜೆಪಿ ಹೆಚ್ಚು, 23 ಗೆದ್ದಿತು.
47 ಸ್ಥಾನಗಳ ಪೈಕಿ 8ರಲ್ಲಿ ಗೆಲುವಿನ ಅಂತರ 1,000 ಮತಗಳಿಗಿಂತ ಕಡಿಮೆ ಇತ್ತು. ಇವುಗಳಲ್ಲಿ ಬಿಜೆಪಿ 5 (ದೂಮರಿಯಾಗಂಜ್, ಮೀರಾಪುರ, ಶ್ರಾವಸ್ತಿ, ಮುಹಮ್ಮದಾಬಾದ್-ಗೋಹ್ನಾ (SC) ಮತ್ತು ರಾಂಪುರ್ ಮಣಿಹರನ್) ಗೆದ್ದಿದೆ; BSP 2 (ಮಂತ್ ಮತ್ತು ಮತ್ತು ಮುಬಾರಕ್‌ಪುರ) ಗೆದ್ದಿದೆ; ಮತ್ತು SP 1 (ಮೋಹನ್‌ಲಾಲ್‌ಗಂಜ್).
ದೂಮರಿಯಾಗಂಜ್ ರಾಜ್ಯಾದ್ಯಂತ ಅತ್ಯಂತ ಕಡಿಮೆ ಅಂತರವನ್ನು ಕಂಡಿತು ಬಿಜೆಪಿಯ ರಾಘವೇಂದ್ರ ಪ್ರತಾಪ್ ಸಿಂಗ್ ಅವರು ಬಿಎಸ್ಪಿಯ ಸೈಯಾದಾ ಖಾತೂನ್ ಅವರನ್ನು ಕೇವಲ 171 ಮತಗಳಿಂದ ಸೋಲಿಸಿದರು.
ಮೀರಾಪುರದಲ್ಲಿ ಎರಡನೇ ಅತಿ ಕಡಿಮೆ ಅಂತರ ದಾಖಲಾಗಿದ್ದು, ಬಿಜೆಪಿ ಟಿಕೆಟ್‌ನಲ್ಲಿ ಸ್ಪರ್ಧಿಸಿದ್ದ ಅವತಾರ್ ಸಿಂಗ್ ಭದಾನ ಅವರು ಎಸ್‌ಪಿ ಅಭ್ಯರ್ಥಿ ಲಿಯಾಕತ್ ಅಲಿ ಅವರನ್ನು 193 ಮತಗಳಿಂದ ಸೋಲಿಸಿದ್ದಾರೆ. ಭದನಾ ಬಿಜೆಪಿ ತೊರೆದು ಈ ತಿಂಗಳ ಆರಂಭದಲ್ಲಿ ಆರ್‌ಎಲ್‌ಡಿ ಸೇರಿದ್ದರು.
ಭಾರತದ ಚುನಾವಣಾ ಆಯೋಗದ ಪ್ರಕಾರ, ಯುಪಿ ಅಸೆಂಬ್ಲಿ ಚುನಾವಣೆಯಲ್ಲಿ ಒಟ್ಟು ಅರ್ಹ ಮತದಾರರ ಸಂಖ್ಯೆ 15.06 ಕೋಟಿ ಆಗಿದ್ದರೆ, ಪಂಜಾಬ್‌ನಲ್ಲಿ ಈ ಅಂಕಿ ಅಂಶವು 2.13 ಕೋಟಿಯಾಗಿದೆ.
