ಅದಾನಿ-ಅಂಬಾನಿಯಿಂದ ಕಾಂಗ್ರೆಸ್ ಕಪ್ಪುಹಣವನ್ನು ಪಡೆದಿದೆ ಎಂಬ ಪ್ರಧಾನಿ ನರೇಂದ್ರ ಮೋದಿಯವರ ಆರೋಪಕ್ಕೆ ಪ್ರತಿಕ್ರಿಯಿಸಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಪ್ರಧಾನಿ ತಮ್ಮ ವೈಯಕ್ತಿಕ ಅನುಭವದಿಂದ ಮಾತನಾಡುತ್ತಿದ್ದಾರೆಯೇ ಎಂದು ಪ್ರಶ್ನಿಸಿದ್ದಾರೆ.
ಇಬ್ಬರು ಉದ್ಯಮಿಗಳು ನಿಜವಾಗಿಯೂ ತಮ್ಮ ಪಕ್ಷಕ್ಕೆ “ಟೆಂಪೋದಲ್ಲಿ” ಹಣವನ್ನು ಕಳುಹಿಸಿದ್ದಾರೆಯೇ ಎಂದು ನೋಡಲು ಸಿಬಿಐ ಅಥವಾ ಇಡಿ ತನಿಖೆ ನಡೆಸಬೇಕು ಎಂದು ರಾಹುಲ್ ಗಾಂಧಿ ಅವರು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.
“ಬಿಜೆಪಿಯ ಭ್ರಷ್ಟಾಚಾರದ ಗತಿಯ ಚಾಲಕ ಮತ್ತು ಸಹಾಯಕ ಯಾರು ಎಂದು ದೇಶಕ್ಕೆ ತಿಳಿದಿದೆ ಎಂದು ಮೋದಿಗೆ ತಿರುಗೇಟು ನೀಡಿದ್ದಾರೆ.
ವಯನಾಡ್ ಸಂಸದ ರಾಹುಲ್ ಗಾಂಧಿ, ಇಬ್ಬರು ಉದ್ಯಮಿಗಳ ಮೇಲೆ ದಾಳಿ ಮಾಡುವುದನ್ನು ಹಠಾತ್ತನೆ ನಿಲ್ಲಿಸಿದ್ದರಿಂದ ಅಂಬಾನಿ ಮತ್ತು ಅದಾನಿಯೊಂದಿಗೆ ಕಾಂಗ್ರೆಸ್ “ಒಪ್ಪಂದ” ಮಾಡಿಕೊಂಡಿದೆ ಎಂದು ಪ್ರಧಾನಿ ಮೋದಿಯ ಹೇಳಿದ ನಂತರ ರಾಹುಲ್ ಗಾಂಧಿಯ ಪ್ರತ್ಯುತ್ತರ ಬಂದಿದೆ.
“ನಾನು ಇದನ್ನು ಮತ್ತೊಮ್ಮೆ ಹೇಳುತ್ತಿದ್ದೇನೆ. ನರೇಂದ್ರ ಮೋದಿ ಅವರಿಗೆ [ಅಂಬಾನಿ ಮತ್ತು ಅದಾನಿ] ನೀಡಿದ ಹಣದ ಮೊತ್ತವನ್ನು ನಾವು ಭಾರತದ ಬಡ ಜನರಿಗೆ ನೀಡುತ್ತೇವೆ. ಮಹಾಲಕ್ಷ್ಮಿ ಯೋಜನೆ, ಪೆಹಲಿ ನೌಕ್ರಿ ಪಕ್ಕಿ ಯೋಜನೆ ಕೋಟ್ಯಂತರ ಜನರನ್ನು ಲಕ್ಷಾಧಿಪತಿಗಳನ್ನಾಗಿ ಮಾಡುತ್ತದೆ. ಅವರು 22 ಕೋಟ್ಯಾಧಿಪತಿಗಳನ್ನು ಸೃಷ್ಟಿಸಿದ್ದಾರೆ, ನಾವು ಕೋಟಿಗಟ್ಟಲೆ ಮಿಲಿಯನೇರ್‌ಗಳನ್ನು ಸೃಷ್ಟಿಸುತ್ತೇವೆ ಎಂದು ರಾಹುಲ್ ಗಾಂಧಿ ಭರವಸೆ ನೀಡಿದರು.
