ಮಡಿಕೇರಿ, ಜ.12: “ಹುಲಿಗಳು ಯಾವತ್ತೂ ಮನುಷ್ಯರ ಮೇಲೆ ಎದುರಿನಿಂದ ದಾಳಿ ಮಾಡುವುದಿಲ್ಲ. ಅವರು ಹಿಂದಿನಿಂದ ದಾಳಿ ಮಾಡುತ್ತಾರೆ. ಹುಲಿಗಳ ದಾಳಿಯನ್ನು ತಡೆಗಟ್ಟುವ ಸಲುವಾಗಿ, ಪಶ್ಚಿಮ ಬಂಗಾಳದ ಸುಂದರಬನ್ಸ್ ಜನರು ತಮ್ಮ ತಲೆಯ ಹಿಂಭಾಗದಲ್ಲಿ ಮಾನವ ಮುಖದ ಮುಖವಾಡವನ್ನು ಬಳಸುತ್ತಿದ್ದಾರೆ ಮತ್ತು ಅದು ಯಶಸ್ವಿಯಾಗಿದೆ ಎಂದು ಕಂಡುಬಂದಿದೆ. ಇದು ಕೊಡಗು ಜಿಲ್ಲೆಯಲ್ಲೂ ಉಪಯುಕ್ತವಾಗಬಹುದು ಎಂದು ಪರಿಸರ ಮತ್ತು ಆರೋಗ್ಯ ಪ್ರತಿಷ್ಠಾನದ ಗೌರವ ಕಾರ್ಯದರ್ಶಿ ಕರ್ನಲ್ ಸಿ ಪಿ ಮುತ್ತಣ್ಣ ಹೇಳಿದರು.
ಮುತ್ತಣ್ಣ ಮಾತನಾಡಿ, ಬ್ರಹ್ಮಪುತ್ರ ನದಿ ಬಂಗಾಳಕೊಲ್ಲಿಗೆ ಸೇರುವ ಪ್ರದೇಶವಾದ ಸುಂದರಬನದಲ್ಲಿ ಹುಲಿ ದಾಳಿಗೆ ಹಲವರು ಸಾವನ್ನಪ್ಪಿದ್ದಾರೆ. ಈಗ ಜನರು ತಲೆಯ ಹಿಂಭಾಗದಲ್ಲಿ ಮಾನವ ಮುಖವಾಡ ಧರಿಸಿರುವುದರಿಂದ ಘಟನೆಗಳು ಕಡಿಮೆಯಾಗಿದೆ.
”ಕೊಡಗಿನ ದಕ್ಷಿಣ ಭಾಗದಲ್ಲಿ ಹುಲಿ ದಾಳಿ ಹೆಚ್ಚಾಗಿದ್ದು, ಈಗಾಗಲೇ ಐದು ಮಂದಿ ಸಾವನ್ನಪ್ಪಿದ್ದಾರೆ. ಆದ್ದರಿಂದ ರಬ್ಬರ್‌ನಿಂದ ಮಾಡಿದ ಮಾನವ ಮುಖವಾಡವನ್ನು ನೀಡಲು ಸರ್ಕಾರಕ್ಕೆ ಪ್ರಸ್ತಾವನೆ ಕಳುಹಿಸಲಾಗಿದೆ.
”ಜಿಲ್ಲೆಯ ಹುಲಿ ದಾಳಿ ಪ್ರಕರಣಗಳನ್ನು ಅಧ್ಯಯನ ನಡೆಸಿದಾಗ ಬೆಳಗ್ಗೆ ಬಯಲು ಶೌಚಕ್ಕೆ ತೆರಳುವವರ ಮೇಲೆ ಹುಲಿ ದಾಳಿ ನಡೆಸಿರುವುದು ಮೇಲ್ನೋಟಕ್ಕೆ ಕಂಡು ಬರುತ್ತದೆ. ಕೊಡಗು ಜಿಲ್ಲೆ ಬಯಲು ಶೌಚಮುಕ್ತ ಎಂದು ಹೇಳುತ್ತಿದ್ದರೂ ಶೌಚಾಲಯ ಇಲ್ಲದ ಕಾರಣ ಇನ್ನೂ ಅನೇಕ ಕಡೆ ಬಯಲು ಶೌಚಕ್ಕೆ ಹೋಗುತ್ತಿದ್ದಾರೆ. ಶೌಚಾಲಯ ಇಲ್ಲದ ಮನೆಗಳಿಗೆ ಸರಕಾರ ಶೌಚಾಲಯ ನಿರ್ಮಿಸಿಕೊಡಬೇಕು’ ಎಂದು ಒತ್ತಾಯಿಸಿದರು.
ಅರ್ಧ ತಿಂದ ಜಾನುವಾರುಗಳ ಶವವನ್ನು ಮತ್ತೆ ಹುಲಿ ತಿನ್ನಲು ಬರುವುದರಿಂದ ಅರಣ್ಯ ಇಲಾಖೆಗೆ ಬೋನು ಹಾಕಲು ಅನುಕೂಲವಾಗುವುದರಿಂದ ಅದನ್ನು ಹಾಗೆಯೇ ಬಿಡುವಂತೆ ಕರ್ನಲ್ ಮುತ್ತಣ್ಣ ಕೇಳಿಕೊಂಡಿದ್ದಾರೆ.
